我的愛情路
《我的愛情路》Guá ê Ài-tsîng Lōo
林淑貞Lîm Siok-tsing
——————————————
啊~愛情的十字路
ah~ ài-tsîng ê si̍p-jī-lōo
千萬毋通來糊塗
tshian-bān m̄-thang lâi hôo-tôo
小心跤步來踏錯
sió-sim kha-pōo lâi ta̍h-tshò
才袂來受苦楚
tsiah buē lâi siū khóo-tshóo
毋管是風雨落偌粗
m̄-kuán sī hong-hōo lo̍h guā tshoo
毋管是遙遠的路途
m̄-kuán sī iâu-uán ê lōo-tôo
毋驚困難毋驚苦
m̄-kiann khùn-lân m̄-kiann khóo
為著將來的幸福
uī-tio̍h tsiong-lâi ê hīng-hok
一心一意來追求
it-sim-it-ì lâi tui-kiû
啊~我的愛情路
ah~ guá ê ài-tsîng lōo
啊~愛情的青紅燈
ah~ ài-tsîng ê tshinn-âng-ting
叫我暫時著愛停
kiò guá tsiām-sî tio̍h-ài thîng
目睭展開看予明
ba̍k-tsiu tián–khui khuànn hōo bîng
才袂來受苦情
tsiah buē lâi siū khóo-tsîng
毋管是北風陣陣冷
m̄-kuán sī pak-hong tsūn-tsūn líng
毋管是坎坷的路程
m̄-kuán sī khám-khia̍t ê lōo-tîng
毋驚烏暗毋驚冷
m̄-kiann oo-àm m̄-kiann líng
為著將來的光明
uī-tio̍h tsiong-lâi ê kong-bîng
一心一意來追求
it-sim-it-ì lâi tui-kiû
啊~我的真愛情
ah~ guá ê tsin ài-tsîng
