心愛的請原諒
《心愛的請原諒》Sim-ài–ê Tshiánn Guân-liōng
林慶鐘Lîm Khìng-tsiong
——————————————
雖然是重情義
sui-jiân sī tiōng tsîng-gī
毋甘拆分離
m̄-kam thiah hun-lî
也毋願
iā m̄-guān
受你爸母看無起
siū lí pē-bú khuànn-bô-khí
只好是忍耐著
tsí-hó sī jím-nāi tio̍h
暫時的心稀微
tsiām-sî ê sim hi-bî
我總會好好保留
guá tsóng-ē hó-hó pó-liû
咱的純情義
lán ê sûn-tsîng-gī
請相信我絕對
tshiánn siong-sìn guá tsua̍t-tuì
毋是無情的男兒
m̄-sī bô-tsîng ê lâm-jî
心愛的請原諒
sim-ài–ê tshiánn guân-liāng
離別無相辭
lî-pia̍t bô sio-sî
因為是毋甘每日
in-uī sī m̄-kam muí-ji̍t
悲傷珠淚滴
pi-siong tsu-luī tih
但是你也是對阮
tān-sī lí iā-sī tuì gún
猶原意綿綿
iu-guân ì mî-mî
雖然是在異鄉
sui-jiân sī tsāi ī-hiong
心在你身邊
sim tsāi lí sin-pinn
無論是海角天邊
bô-lūn sī hái-kak thinn-pinn
永遠思念你
íng-uán su-liām lí
男子漢重意志
lâm-tsú-hàn tiōng ì-tsì
出外去求財利
tshut-guā khì kiû tsâi-lī
毋驚著任何的人
m̄-kiann tio̍h jīm-hô ê lâng
批評佮輕視
phe-phîng kah khin-sī
抱著你
phāu tio̍h lí
無惜著一切的酸苦味
bô-sioh tio̍h it-tshè ê sng-khóo-bī
我總會好好拍拚
guá tsóng-ē hó-hó phah-piànn
早日回鄉里
tsá-ji̍t huê hiunn-lí
請期待我成功日子
tshiánn kî-thāi guá sîng-kong ji̍t-tsí
你咱再團圓
lí lán tsài thuân-înn
