寂寞的等待
《寂寞的等待》Tsi̍k-bo̍k ê Tán-thāi
林葳Lîm Ui
——————————————
想起較早咱熟似
siūnn-khí khah-tsá lán si̍k-sāi
糖甘蜜甜講未來
thn̂g-kam bi̍t-tinn kóng bī-lâi
你的溫柔佮可愛
lí ê un-jiû kah khó-ài
不時出現在腦海
put-sî tshut-hiān tsāi náu-hái
船螺叫聲欲出海
tsûn-lê kiò-siann beh tshut-hái
月光微微照窗內
gue̍h-kng bî-bî tsiò thang-lāi
海風海湧敢了解
hái-hong hái-íng kám liáu-kái
阮寂寞咧等待
gún tsi̍k-bo̍k teh tán-thāi
我等甲日出又黃昏
guá tán kah ji̍t-tshut iū hông-hun
愛人啊你敢有想阮
ài-jîn–ah lí kám ū siūnn gún
無人疼惜無人問
bô-lâng thiànn-sioh bô-lâng mn̄g
心頭亂亂紛紛
sim-thâu luān-luān-hun-hun
我等甲心憂悶
guá tán kah sim iu-būn
愛人啊你敢有愛阮
ài-jîn–ah lí kám ū ài gún
甘願犧牲阮青春
kam-guān hi-sing gún tshing-tshun
為君等待伊閣倒轉
uī kun tán-thāi i koh tò-tńg
