坎坷的人生
《坎坷的人生》Khám-khia̍t ê Jîn-sing
金美惠Kim Bí-huī
——————————————
酒摻目屎滴胸前
tsiú tsham ba̍k-sái tih hing-tsîng
聲聲句句嘆薄命
siann-siann-kù-kù thàn po̍k-bīng
想著想著坎坷的人生
siūnn-tio̍h siūnn-tio̍h khám-khia̍t ê jîn-sing
怨嘆也是無路用
uàn-thàn iā-sī bô-lōo-īng
喝拳喝拳
huah-kûn huah-kûn
喝拳若輸
huah-kûn nā su
燒酒啉無停
sio-tsiú lim bô thîng
愈啉心肝是愈凝
jú lim sim-kuann sī jú gîng
啊~哀怨的歌聲
ah~ ai-uàn ê kua-siann
替阮訴不平
thè gún sòo put-phîng
何必怨嘆人生
hô-pit uàn-thàn jîn-sing
酒摻目屎滴胸前
tsiú tsham ba̍k-sái tih hing-tsîng
聲聲句句嘆薄命
siann-siann-kù-kù thàn po̍k-bīng
為著為著無情的環境
uī-tio̍h uī-tio̍h bô-tsîng ê khuân-kíng
才會淪落煙花間
tsiah-ē lûn-lo̍h ian-hua-king
好的好的
hó ê hó ê
好的人客
hó ê lâng-kheh
對阮真同情
tuì gún tsin tông-tsîng
也有人對阮真批評
iā ū-lâng tuì gún tsin phue-phîng
啊~悲戀的人生
ah~ pi-luân ê jîn-sing
怨嘆啥路用
uàn-thàn siánn lōo-īng
何必怨嘆人生
hô-pit uàn-thàn jîn-sing
