龜叨鱉趖
《龜叨鱉趖》Ku Lo Pih Sô
東方美惠Tong-hong Bí-huī
——————————————
工課毋做
khang-khuè m̄ tsò
佮人四界去𨑨迌
kah lâng sì-kuè khì tshit-thô
嘛有閒閒掠龜
mā ū-îng-îng lia̍h ku
烏啊烏白踅
oo–ah oo-pe̍h se̍h
做人若是傷囉嗦
tsuè-lâng nā sī siunn lo-so
辦事就會花膏膏
pān-sū tiō ē hue-kô-kô
做人愛予別人來呵咾
tsuè-lâng ài hōo pa̍t-lâng lâi o-ló
毋通展家己上蓋好
m̄-thang tián ka-tī siōng-kài hó
若欲竹篙鬥菜刀
nā beh tik-ko tàu tshài-to
人就笑咱烏白亂膏
lâng tiō tshiò lán oo-pe̍h luān kô
千萬毋通透早一直做
tshian-bān m̄-thang thàu-tsá it-ti̍t tsò
半暝仔也欲唱山歌
puànn-mî-á iā beh tshiùnn san-ko
徛咧坐咧屈咧
khiā–leh tsē–leh khut–leh
覆咧抑是倒
phak–leh ia̍h-sī tó
這款敢是龜叨鱉趖
tsit khuán kám-sī ku lo pih sô
