食老才知你的好
《食老才知你的好》Tsia̍h-lāu Tsiah Tsai Lí ê Hó
李明洋Lí Bîng-iông
——————————————
佮你生活幾十冬
kah lí sing-ua̍h kuí-tsa̍p tang
食燒食冷毋免煩
tsia̍h sio tsia̍h líng m̄-bián huân
你的關心變習慣
lí ê kuan-sim piàn si̍p-kuàn
有時雜唸有時番
ū-sî tsa̍p-liām ū-sî huan
感情難免攏有縫
kám-tsîng lân-bián lóng ū phāng
吵吵鬧鬧袂過工
tshá-tshá-nāu-nāu buē kuè kang
鹹酸苦澀我甘願
kiâm-sng khóo-siap guá kam-guān
今生牽手一世人
kim-sing khan-tshiú tsi̍t-sì-lâng
食老才知你的好
tsia̍h-lāu tsiah tsai lí ê hó
有你陪伴有你惜
ū lí puê-phuānn ū lí sioh
咱的故事
lán ê kòo-sū
愈講嘛愈𪁎趒
jú kóng mā jú tshio-tiô
幸福兩字
hīng-hok nn̄g-jī
永遠珍惜
íng-uán tin-sioh
食老才知你的好
tsia̍h-lāu tsiah tsai lí ê hó
日子一工一工少
ji̍t-tsí tsi̍t-kang-tsi̍t-kang tsió
咱的皺痕愈看愈清楚
lán ê jiâu-hûn jú khuànn jú tshing-tshó
牽你的手
khan lí ê tshiú
溫暖燒燒
un-luán sio-sio
