顧厝
《顧厝》Kòo-tshù
李明洋Lí Bîng-iông
——————————————
日頭已經漸漸落山
ji̍t-thâu í-king tsiām-tsiām lo̍h-suann
一工愛做嘛做完
tsi̍t-kang ài tsuè mā tsuè uân
心事幾項
sim-sū kuí-hāng
做人無簡單
tsuè-lâng bô kán-tan
也著煩惱某囝
iā tio̍h huân-ló bóo-kiánn
猶有咱的序大人
iáu-ū lán ê sī-tuā-lâng
顧厝是咱的最大心願
kòo-tshù sī lán ê tsuè tuā sim-guān
恁若平安
lín nā pîng-an
阮食苦也甘願
gún tsia̍h-khóo iā kam-guān
有一種幸福是一家圓滿
ū tsi̍t-tsióng hīng-hok sī tsi̍t-ke uân-buán
食好食䆀攏仝款
tsia̍h hó tsia̍h bái lóng kāng-khuán
天若一劃
thinn nā tsi̍t-ue̍h
運命就無仝
ūn-miā tiō bô-kāng
有孝爸母
iú-hàu pē-bú
照顧厝內人
tsiàu-kòo tshù-lāi-lâng
人生短短
jîn-sing té-té
總嘛是愛落站
tsóng mā sī ài lo̍h-tsām
予咱無留煩惱無留遺憾
hōo lán bô lâu huân-ló bô lâu uî-hām
