鄉愁
《鄉愁》Hiong-tshiû
良山Liông-san
——————————————
為著一時來賭氣
uī-tio̍h tsi̍t-sî lâi tóo-khì
離開可愛的鄉里
lī-khui khó-ài ê hiunn-lí
來到他鄉的街市
lâi kàu thann-hiong ê kue-tshī
茫茫毋知佗位去
bâng-bâng m̄-tsai tó-uī khì
為啥物為啥物
uī-siánn-mih uī-siánn-mih
心內會感覺
sim-lāi ē kám-kak
無限的稀微
bû-hān ê hi-bî
天星共阮來暗示
thinn-tshinn kā gún lâi àm-sī
親像叫阮
tshin-tshiūnn kiò gún
緊回去
kín huê–khì
時間經過兩三年
sî-kan king-kè nn̄g-sann nî
思念故鄉的景緻
su-liām kòo-hiong ê kíng-tì
雖然我在他鄉里
sui-jiân guá tsāi thann-hiong-lí
每日拍拚咧趁錢
muí-ji̍t phah-piànn teh thàn-tsînn
為啥物為啥物
uī-siánn-mih uī-siánn-mih
心內會感覺
sim-lāi ē kám-kak
無限的稀微
bû-hān ê hi-bî
今夜又閣月光暝
kim-iā iū-koh ge̍h-kng-mî
成功到底等何時
sîng-kong tàu-tué tán hô-sî
