羅漢跤
《羅漢跤》Lô-hàn-kha
男子漢樂團Lâm-tsú-hàn Ga̍k-thuân
——————————————
倒手正手攏袂𤺪
tò-tshiú tsiànn-tshiú lóng bē siān
–
倒手正手用袂𤺪
tò-tshiú tsiànn-tshiú iōng bē siān
拍拍拍
phah phah phah
拍甲欲烏青
phah kah beh oo-tshenn
一个人有影較快活
tsi̍t-ê-lâng ū-iánn khah khuìnn-ua̍h
哪著娶某生囝
ná-to̍h tshuā-bóo senn-kiánn
買厝閣買車
bé tshù koh bé tshia
倒跤正跤淺拖鞋
tò-kha tsiànn-kha tshián-thua-ê
行行行
kiânn kiânn kiânn
四界玲瑯踅
sì-kè lin-long se̍h
一个人有影較快活
tsi̍t-ê-lâng ū-iánn khah khuìnn-ua̍h
哪著揣一个伴
ná-to̍h tshuē tsi̍t-ê phuānn
逐工咧怨慼
ta̍k-kang teh uàn-tsheh
朋友啊三八兄弟
pîng-iú–ah sam-pat-hiann-tī
你若孤單
lí nā koo-tuann
阮佮你來做伴
gún kah lí lâi tsuè-phuānn
愛人啊
ài-jîn–ah
緣份兩字
iân-hūn nn̄g-jī
敢是命中註定無桃花
kám-sī miā-tiong tsù-tiānn bô thô-hue
羅漢跤拄孤鸞年
lô-hàn-kha tú koo-luân-nî
情人節攏是恁兜的代誌
qíngrénjié lóng-sī lín tau ê tāi-tsì
—
倒剾正踅
tò-khau tsiànn-se̍h
攏是針
lóng-sī tsiam
哎呀!恩恩恩愛愛
aih-iah! un-un-un-ài-ài
真鑿目
tsin tsha̍k-ba̍k
一个人有影較寂寞
tsi̍t-ê-lâng ū-iánn khah tsi̍k-bo̍k
啥人甘願
siánn-lâng kam-guān
孤單生活一世人
koo-tuann sing-ua̍h tsi̍t-sì-lâng
