當做阮是啥物
《當做阮是啥物》Tòng-tsò Gún Sī Siánn-mih
東方美惠Tong-hong Bí-huī
——————————————
恨你恨你彼支喙
hūn lí hūn lí hit ki tshuì
咒誓親像歕雞胿
tsiù-tsuā tshin-tshiūnn pûn-ke-kui
真後悔來相信你
tsin hiō-hué lâi siong-sìn lí
害阮目屎滴袂離
hāi gún ba̍k-sái tih buē-lī
當初講甲糖蜜甜
tong-tshoo kóng kah thn̂g-bi̍t-tinn
海角追甲到天邊
hái-kak tui kah kàu thinn-pinn
如今一切予你騙騙去
jû-kim it-tshè hōo lí phiàn-phiàn–khì
啊薄情郎毋知佗位去
ah po̍k-tsîng-lông m̄-tsai tó-uī khì
有一工來拄著你
ū-tsi̍t-kang lâi tú-tio̍h lí
連我的名字
liân guá ê miâ-jī
啊你攏放袂記
ah lí lóng pàng-buē-kì
你啊你啊
lí–ah lí–ah
當做阮是啥物
tòng-tsuè gún sī siánn-mih
