按奈一段情
《按奈一段情》Àn-nāi Tsi̍t-tuānn Tsîng
沙麗文Sa Lē-bûn
——————————————
一段情
tsi̍t-tuānn tsîng
從何來講起
tsiông-hô lâi kóng-khí
只怪我痴情
tsí kuài guá tshi-tsîng
深深思慕你
tshim-tshim su-bōo lí
想著你予我的感情
siūnn-tio̍h lí hōo guá ê kám-tsîng
變做寂寞過一生
piàn-tsuè tsi̍k-bo̍k kuè it-sing
變做一段
piàn-tsuè tsi̍t-tuānn
袂當結局的戀情
buē-tàng kiat-kio̍k ê luân-tsîng
明知這段情
bîng-tsai tsit tuānn tsîng
已經是過去
í-king sī kuè-khì
過去往事變成雲煙
kuè-khì óng-sū piàn-sîng hûn-ian
明知這段情
bîng-tsai tsit tuānn tsîng
已經無意義
í-king bô ì-gī
應該結束這段的情
ing-kai kiat-sok tsit tuānn ê tsîng
啊~怎樣按奈這段感情
ah~ tsuánn-iūnn àn-nāi tsit tuānn kám-tsîng
這段過去美妙的情
tsit tuānn kuè-khì bí-miāu ê tsîng
啊~欲怎樣按奈
ah~ beh tsuánn-iūnn àn-nāi
這一段袂當結局的戀情
tsit tsi̍t-tuānn buē-tàng kiat-kio̍k ê luân-tsîng
