拍鳥𨑨迌
《拍鳥𨑨迌》Phah Tsiáu Tshit-thô
東方美惠Tong-hong Bí-huī
——————————————
我來牽一隻狗仔
guá lâi khan tsi̍t-tsiah káu-á
來去拍鳥仔𨑨迌
lâi-khì phah tsiáu-á tshit-thô
礗礗嗙嗙礗礗嗙嗙
pin-pin pōng-pōng pin-pin pōng-pōng
拍無準
phah bô tsún
鳥仔哪會看攏無
tsiáu-á ná ē khuànn lóng bô
嘢嘢哎唷
iah-iah aih-iooh
山壁有一隻
suann-piah ū tsi̍t-tsiah
鳥仔鳥仔
tsiáu-á tsiáu-á
毋免驚毋免驚
m̄-bián kiann m̄-bián kiann
這改相予伊準
tsit kái siòng hōo i tsún
莫出聲
mài tshut-siann
一銃拍予伊倒摔向
tsi̍t-tshìng phah hōo i tò-siàng-hiànn
駛咧駛咧駛咧行
sái–leh sái–leh sái–leh kiânn
駛咧駛咧駛咧行
sái leh sái leh sái leh kiânn
銃子拍無著
tshìng-tsí phah bô-tio̍h
倒彈轉來
tò-tuānn–tńg-lâi
拍著狗仔的頭額的頭額
phah tio̍h káu-á ê thâu-hia̍h ê thâu-hia̍h
狗仔受氣
káu-á siūnn-khì
一路吠一路拚
tsi̍t-lōo puī tsi̍t-lōo piànn
袂輸咧叫阿娘阿娘
buē-su teh kiò a-niâ a-niâ
