愛情千金重
《愛情千金重》Ài-tsîng Tshian-kim Tāng
李盛瑲Lí Sīng-tshiong
——————————————
愛過才知千金重
ài–kuè tsiah tsai tshian-kim tāng
恨過才知毋甘願
hūn–kuè tsiah tsai m̄ kam-guān
愛情愛情
ài-tsîng ài-tsîng
一場冤仇夢
tsi̍t-tiûnn uan-siû bāng
醒來傷遮爾重
tshínn–lâi siong tsiah-nī tāng
啊~恨啊恨啊無情人
ah~ hūn–ah hūn–ah bô-tsîng-lâng
為何心肝遮爾殘
uī-hô sim-kuann tsiah-nī tshân
將我的心
tsiong guá ê sim
捒落無底坑崁
sak lo̍h bô-té khenn-khàm
情何以堪
tsîng hô-í kham
破碎心窗
phuà-tshuì sim-thang
啊~凝啊凝啊傷心人
ah~ gîng–ah gîng–ah siong-sim-lâng
自恨自嘆目箍紅
tsū-hūn tsū-thàn ba̍k-khoo âng
苦酒苦酒啉予茫
khóo-tsiú khóo-tsiú lim hōo bâng
醉予死
tsuì hōo sí
予毋知人
hōo m̄-tsai-lâng
