想阿爸
《想阿爸》Siūnn A-pah
李明洋Lí Bîng-iông
——————————————
看著阿爸的彼張相片
khuànn-tio̍h a-pah ê hit tiunn siòng-phìnn
記念咱的緣份咱的情
kì-liām lán ê iân-hūn lán ê tsîng
我無佇厝內的這幾年
guá bô tī tshù-lāi ê tsit kuí-nî
想起你的孤單佮稀微
siūnn-khí lí ê koo-tuann kah hi-bî
雖然是出外來拍拚
sui-jiân sī tshut-guā lâi phah-piànn
無來陪伴你
bô lâi puê-phuānn lí
也是不應該
iā-sī put-ing-kai
阿爸我不孝
a-pah guá put-hàu
我毋捌代誌
guá m̄-bat tāi-tsì
如今後悔
jû-kim hiō-hué
已經袂赴市
í-king buē-hù-tshī
阿爸我不孝
a-pah guá put-hàu
我猶原真想你
guá iu-guân tsin siūnn lí
感謝你的愛你的情
kám-siā lí ê ài lí ê tsîng
希望後世人
hi-bāng āu-sì-lâng
會當報答你
ē-tàng pò-tap lí
會當閣做你的後生
ē-tàng koh tsuè lí ê hāu-sinn
