悲傷的主角
《悲傷的主角》Pi-siong ê Tsú-kak
李明洋Lí Bîng-iông
——————————————
昨暝的一場夢
tsa-mî ê tsi̍t-tiûnn bāng
一幕幕愛的願望
tsi̍t-bōo-bōo ài ê guān-bāng
有你有我天星閃閃
ū lí ū guá thinn-tshinn siám-siám
海啊真迷人
hái–ah tsin bê-lâng
夢醒來
bāng tshínn–lâi
阮也茫茫
gún iā bâng-bâng
怎孤單賰阮一人
tsuánn koo-tuann tshun gún tsi̍t-lâng
是阮放你自由咧過
sī gún pàng lí tsū-iû teh kuè
抑是你揣著別人
ia̍h-sī lí tshuē-tio̍h pa̍t-lâng
做伙是咱
tsò-hué sī lán
上深的山盟海誓
siōng tshim ê san-bîng hái-sè
無你的我
bô lí ê guá
都市會變烏白
too-tshī ē piàn oo-pe̍h
你有你的選擇
lí ū lí ê suán-ti̍k
講對阮真歹勢
kóng tuì gún tsin pháinn-sè
恩愛情歌唱遮濟
un-ài tsîng-kua tshiùnn tsiah tsuē
悲傷阮主角一个
pi-siong gún tsú-kak tsi̍t-ê
療傷欲怎樣來過
liâu-siunn beh tsuánn-iūnn lâi kuè
看阮都市的酒館
khuànn gún too-tshī ê tsiú-kuán
一人乾杯
tsi̍t-lâng kan-pue
勉強也袂做伙
bián-kióng iā buē tsò-hué
我愛你
guá ài lí
你愛別个
lí ài pa̍t-ê
予悲傷的主角
hōo pi-siong ê tsú-kak
世間阮最後一个
sè-kan gún tsuè-āu tsi̍t-ê
