恨薄情
《恨薄情》Hūn Po̍k-tsîng
林玉英Lîm Gio̍k-ing
——————————————
火車行到淡啊水港
hé-tshia kiânn kàu Tām–ah tsuí-káng
現代男性採花蜂
hiān-tāi lâm-sìng tshái-hue-phang
交著新的舊啊來放
kau-tio̍h sin–ê kū–ah lâi pàng
啊!親像世間的毒蟲
ah! tshin-tshiūnn sè-kan ê to̍k-thâng
啊~親像世間的毒蟲
ah~ tshin-tshiūnn sè-kan ê to̍k-thâng
滬尾也有番仔樓
Hōo-bué iā ū huan-á-lâu
僥雄男性毋通交
hiau-hiông lâm-sìng m̄-thang kau
予伊騙去伊啊就走
hōo i phiàn khì i–ah tiō tsáu
喔!放阮無君半路頭
ooh! pàng gún bô kun puànn-lōo-thâu
啊~放阮無君半路頭
ah~ pàng gún bô kun puànn-lōo-thâu
腹肚若大欲啊生囝
pak-tóo nā tuā beh–ah sinn-kiánn
生著一个親像兄
sinn tio̍h tsi̍t-ê tshin-tshiūnn hiann
我君遮久無來看金囝
guá kun tsiah kú bô lâi khuànn kim-kiánn
啊!看囝的面若看兄
ah! khuànn kiánn ê bīn ná khuànn hiann
啊~看囝的面若看兄
ah~ khuànn kiánn ê bīn ná khuànn hiann
