好好來相信
《好好來相信》Hó-hó Lâi Siong-sìn
狄鶯Ti̍k-ing
——————————————
為情頭昏昏
uī tsîng thâu hun-hun
為愛心悶悶
uī ài sim būn-būn
毋敢怨
m̄-kánn uàn
毋敢恨
m̄-kánn hūn
疼也著來忍忍忍
thiànn iā tio̍h lâi jím jím jím
也著忍
iā tio̍h jím
好好青春何必留傷痕
hó-hó tshing-tshun hô-pit lâu siong-hûn
哪通來倚靠命運
ná thang lâi uá-khò miā-ūn
命運好歹會照輪
miā-ūn hó-pháinn ē tsiàu lûn
相信有一个時陣
siong-sìn ū tsi̍t-ê sî-tsūn
你一定會來揣阮
lí it-tīng ē lâi tshuē gún
完成咱的青春
uân-sîng lán ê tshing-tshun
所期待的美滿好緣份
sóo kî-thāi ê bí-buán hó iân-hūn
