遊山玩水
《遊山玩水》Iû-san Uán-suí
李芊慧Lí Tshian-huī
——————————————
陣陣溫柔春風
tsūn-tsūn un-jiû tshun-hong
送來迷人的芳味
sàng lâi bê-lâng ê phang-bī
蝴蝶飛來又飛去
ôo-tia̍p pue-lâi iū pue-khì
歡迎好春天
huan-gîng hó tshun-thinn
趁著這个春暖花開好日子
thàn tio̍h tsit-ê tshun-luán hue-khui hó ji̍t-tsí
陪伴著心愛的人
puê-phuānn tio̍h sim-ài ê lâng
欣賞著大自然美麗的景緻
him-sióng tio̍h tāi-tsū-jiân bí-lē ê kíng-tì
感覺無限的歡喜
kám-kak bô-hān ê huann-hí
樹頂的鳥隻
tshiū-tíng ê tsiáu-tsiah
快快樂樂唸歌詩
khuài-khuài-lo̍k-lo̍k liām kua-si
好親像祝福咱
hó-tshin-tshiūnn tsiok-hok lán
永遠行相隨
íng-uán kiânn sio-suî
