永遠袂閣再懷念你
《永遠袂閣再懷念你》Íng-uán Buē Koh-tsài Huâi-liām Lí
李芊慧Lí Tshian-huī
——————————————
既然兩人無緣閣再做堆
kì-jiân nn̄g-lâng bô-iân koh-tsài tsuè-tui
若是欲分開
nā sī beh hun-khui
最好緊分開
tsuè hó kín hun-khui
愛情袂當勉強
ài-tsîng buē-tàng bián-kióng
勉強無意義
bián-kióng bô ì-gī
若是閣拖沙
nā sī koh thua-sua
只有加添傷悲
tsí-ū ka-thiam siong-pi
過去山盟海誓
kuè-khì san-bîng hái-sè
你已經放袂記
lí í-king pàng-buē-kì
註定是袂當
tsù-tiānn sī buē-tàng
閣再愛落去
koh-tsài ài–lo̍h-khì
你莫戲弄我
lí mài hì-lāng guá
你莫閣欺騙我
lí mài koh khi-phiàn guá
欲扯著愛扯予規氣
beh tshé tio̍h-ài tshé hōo kui-khì
毋免閣再講啥物
m̄-bián koh-tsài kóng siánn-mih
從今以後
tsiông-kim í-āu
你毋捌我
lí m̄-bat guá
我也毋捌你
guá iā m̄-bat lí
永遠袂閣再來懷念你
íng-uán buē koh-tsài lâi huâi-liām lí
