愛你一世人
《愛你一世人》Ài Lí Tsi̍t-sì-lâng
李芊慧Lí Tshian-huī
——————————————
無講半聲
bô kóng puànn-siann
無講半句
bô kóng puànn-kù
恬恬離開我的身邊
tiām-tiām lī-khui guá ê sin-pinn
全然無帶念我對待你
tsuân-jiân bô tài-liām guá tuì-thāi lí
一片真情佮真意
tsi̍t-phiàn tsin-tsîng kah tsin-ì
到底你是為著啥物代誌
tàu-té lí sī uī-tio̍h siánn-mih tāi-tsì
到底你是為啥物
tàu-té lí sī uī-siánn-mih
叫聲心愛的人
kiò siann sim-ài ê lâng
我希望你會當
guá hi-bāng lí ē-tàng
坦白來表示
thán-pi̍k lâi piáu-sī
純純的情
sûn-sûn ê tsîng
深深的愛
tshim-tshim ê ài
滿腹委屈講袂出喙
muá-pak uí-khut kóng buē tshut-tshuì
時常來對著你的相片
sî-siông lâi tuì tio̍h lí ê siòng-phìnn
輕聲叫出你名字
khin-siann kiò-tshut lí miâ-jī
我真毋敢相信
guá tsin m̄-kánn siong-sìn
你是一个
lí sī tsi̍t-ê
無情無義的男兒
bô-tsîng-bô-gī ê lâm-jî
無論經過五冬
bô-lūn king-kuè gōo-tang
抑是閣再三年
ia̍h-sī koh-tsài sam-nî
猶原欲等你
iu-guân bueh tán lí
