彼粒孤星
《彼粒孤星》Hit Lia̍p Koo-tshinn
李小飛Lí Sió-hui
——————————————
攑頭看見彼粒孤星
gia̍h-thâu khuànn-kìnn hit lia̍p koo-tshinn
微微咧閃爍
bî-bî teh siám-sih
親像是阮的目睭
tshin-tshiūnn sī gún ê ba̍k-tsiu
粒粒點點像阮的珠淚
lia̍p-lia̍p-tiám-tiám tshiūnn gún ê tsu-luī
孤星孤星
koo-tshinn koo-tshinn
了解阮心意
liáu-kái gún sim-ì
孤星孤星
koo-tshinn koo-tshinn
目屎吞落去
ba̍k-sái thun–lo̍h-khì
何必為著無情彼个伊
hô-pit uī-tio̍h bô-tsîng hit ê i
何必為情心傷悲
hô-pit uī tsîng sim siong-pi
心頭陣陣親像針揻
sim-thâu tsūn-tsūn tshin-tshiūnn tsiam ui
痛苦無地比
thòng-khóo bô-tè pí
親像天頂彼粒孤星
tshin-tshiūnn thinn-tíng hit lia̍p koo-tshinn
茫茫渺渺毋知佗位去
bông-bông-biáu-biáu m̄-tsai tó-uī khì
