鄉愁二疊
《鄉愁二疊》Hiong-tshiû Jī-thia̍p
佚名i̍t-bîng
——————————————
故鄉的塗
kòo-hiong ê thôo
故鄉的人
kòo-hiong ê lâng
故鄉的風
kòo-hiong ê hong
故鄉的樹
kòo-hiong ê tshiū
攏像是一杯沉底的老酒
lóng tshiūnn sī tsi̍t-pue tîm-té ê lāu-tsiú
引我相思到天明
ín guá siunn-si kàu thian bîng
離開故鄉數十冬
lī khui kòo-hiong sòo-tsa̍p tang
難忘故鄉的生活
lân-bōng kòo-hiong ê sing-ua̍h
時常暗中回故里
sî-siông àm-tiong huê kòo-lí
夢醒只有
bāng-tshínn tsí-ū
月光佮故鄉的仝款
ge̍h-kng kah kòo-hiong–ê kāng-khuán
故鄉我的故鄉
kòo-hiong guá ê kòo-hiong
故鄉的情歌
kòo-hiong ê tsîng-kua
昔日故鄉的少年人
sik-ji̍t kòo-hiong ê siàu-liân-lâng
為何現在煙消灰散
uī-hô hiān-tsāi ian siau hue sàn
