賣布的心聲
《賣布的心聲》Bē-pòo ê Sim-siann
吳宗和Ngôo Tsong-hô
——————————————
阮一生攏咧賣布
gún it-sing lóng teh bē-pòo
予人客做衫佮做褲
hōo lâng-kheh tsò-sann kah tsò-khòo
阮以前咧賣布
gún í-tsîng teh bē-pòo
毋捌遮爾仔無銷路
m̄-bat tsiah-nī-á bô siau-lōo
庫存滿倉庫
khòo-tsûn muá tshng-khòo
叫人客來估
kiò lâng-kheh lâi kóo
這馬煞講無幾箍
tsit-má suah kóng bô kuí-khoo
予我聽著面變烏
hōo guá thiann-tio̍h bīn piàn oo
想甲無法度
siūnn kah bô-huat-tōo
阮若無緊揣阮的出路
gún nā bô kín tshuē gún ê tshut-lōo
恐驚無前途
khióng-kiann bô tsiân-tôo
