義俠百草茶
《義俠百草茶》Gī-kiap Pah-tsháu-tê
佚名i̍t-bîng
——————————————
朋友請來啉茶
pîng-iú tshiánn lâi lim tê
緊來啉涼心茶
kín lâi lim liâng-sim-tê
純糖精製
sûn-thn̂g tsing-tsè
祖傳百草茶
tsóo-thuân pah-tsháu-tê
紅茶佮檸檬茶
âng-tê kah lê-bóng-tê
苦茶佮冬瓜茶
khóo-tê kah tang-kue-tê
啉咖啡配合牛奶泡蜜茶
lim ka-pi phuè-ha̍p gû-ling phàu bi̍t-tê
男女老幼愛啉的鹹酸茶
lâm-lú nóo-iù ài lim ê kiâm-sng-tê
嘿!來啊來啊來啊來
heh! lâi–ah lâi–ah lâi–ah lâi
緊來啉百草茶
kín lâi lim pah-tsháu-tê
啉了後
lim liáu-āu
體力加倍閣退肝火
thé-la̍t ka-puē koh thè kuann-hué
衛生第一無問題
uē-sing tē-it bô būn-tuê
慕名而來的人客
bōo-bîng jî-lâi ê lâng-kheh
一日比一日閣較濟
tsi̍t-ji̍t pí tsi̍t-ji̍t koh-khah tsuē
時常予人客共阮詼
sî-siông hōo lâng-kheh kā gún khue
詼阮叫做義俠涼心茶
khue gún kiò-tsuè gī-kiap liâng-sim-tê
