無夢少年家
《無夢少年家》Bô Bāng siàu-liân-ke
羊米人Iûnn-bí-lâng
——————————————
寫一封無欲寄出的批
siá tsi̍t-hong bô beh kià-tshut ê phue
共這幾冬的心攏囥佇內底
kā tsit kuí-tang ê sim lóng khǹg tī lāi-té
成做一个無夢少年家
tsiânn-tsuè tsi̍t-ê bô bāng siàu-liân-ke
無代無誌
bô-tāi-bô-tsì
我想莫齣頭傷濟
guá siūnn mài tshut-thâu siunn tsē
我毋願佮你做伙
guá m̄-guān kah lí tsò-hué
假認真拍拚
ké jīn-tsin phah-piànn
攏煞煞去
lóng suah-suah–khì
我毋願無日無暝
guá m̄-guān bô-ji̍t-bô-mê
規工綴人走傱
kui-kang tuè lâng tsáu-tsông
過所謂媠氣人生
kuè sóo-uī suí-khuì jîn-sing
我甘願按呢過一世人
guá kam-guān án-ne kuè tsi̍t-sì-lâng
這毋是失望
tse m̄-sī sit-bōng
只是希望
tsí-sī hi-bāng
會當永遠做所愛的夢
ē-tàng íng-uán tsò sóo ài ê bāng
這一生平凡快樂
tse it-sing pîng-huân khuài-lo̍k
就是我所夢
tiō-sī guá sóo bāng
