深情難忘
《深情難忘》Tshim-tsîng Lân-bōng
西卿Se-khing
——————————————
更深夜靜風微微
kinn tshim iā tsīng hong bî-bî
蟲聲亂亂啼
thâng-siann luān-luān thî
孤單一个倚在窗邊
koo-tuann tsi̍t-ê uá tsāi thang-pinn
思念著過去
su-liām tio̍h kè-khì
初戀的情意綿綿
tshoo-luân ê tsîng-ì mî-mî
熱戀的糖甘蜜甜
jia̍t-luân ê thn̂g-kam bi̍t-tinn
如今全部消失去
jû-kim tsuân-pōo siau-sit–khì
心愛的人
sim-ài ê lâng
無情的人
bô-tsîng ê lâng
你敢知我咧懷念你
lí kám tsai guá teh huâi-liām lí
悽涼寂寞夜暗暝
tshi-liâng tsi̍k-bo̍k iā-àm-mî
無限的稀微
bû-hān ê hi-bî
孤單一个坐在樹跤
koo-tuann tsi̍t-ê tsē tsāi tshiū-kha
懷念著過去
huâi-liām tio̍h kè-khì
難忘的初戀彼時
lân-bōng ê tshoo-luân hit-sî
甜蜜的熱戀情意
tinn-bi̍t ê jia̍t-luân tsîng-ì
如今全部斷了離
jû-kim tsuân-pōo tuān liáu-lī
心愛的人
sim-ài ê lâng
無情的人
bô-tsîng ê lâng
你敢知我咧思念你
lí kám tsai guá teh su-liām lí
