愛的利息
《愛的利息》Ài ê Lī-sik
吳蕙君Ngôo Huī-kun
——————————————
茫茫雨水落袂離
bâng-bâng hōo-tsuí lo̍h buē-lī
我的心像針咧揻
guá ê sim tshiūnn tsiam teh ui
無情的話講一堆
bô-tsîng ê uē kóng tsi̍t-tui
夢中的你佇佗位
bāng-tiong ê lí tī tó-uī
看你佮人笑微微
khuànn lí kah lâng tshiò bî-bî
過著無我的日子
kuè tio̍h bô guá ê ji̍t-tsí
牽手的情無看見
khan-tshiú ê tsîng bô khuànn–kìnn
咒誓的話攏袂記
tsiù-tsuā ê uē lóng buē-kì
啊~人咧做天咧看
ah~ lâng teh tsò thinn teh khuànn
情深意重攏騙我
tsîng tshim ì tāng lóng phiàn guá
今生欲做我的伴
kim-sing beh tsò guá ê phuānn
感情的路做陣行
kám-tsîng ê lōo tsuè-tīn kiânn
一支雨傘雙人倚
tsi̍t-ki hōo-suànn siang-lâng uá
情路到今行一半
tsîng-lōo kàu-tann kiânn tsi̍t-puànn
越頭看
ua̍t-thâu khuànn
無你的影
bô lí ê iánn
愛的利息是孤單
ài ê lī-sik sī koo-tuann
