愛是啥物
《愛是啥物》Ài Sī Siánn-mih
西卿Se-khing
——————————————
一句話來問你
tsi̍t-kù uē lâi mn̄g lí
愛情到底是啥物
ài-tsîng tàu-tué sī siánn-mih
叫我怎樣對你
kiò guá tsuánn-iūnn tuì lí
你才了解阮心意
lí tsiah liáu-kái gún sim-ì
多情露水一滴滴
to-tsîng lōo-tsuí tsi̍t-tih-tih
點甲情花笑微微
tiám kah tsîng-hue tshiò bi-bi
阮用真情來對你
gún iōng tsin-tsîng lâi tuì lí
為何你全然無表示
uī-hô lí tsuân-jiân bô piáu-sī
你摸心肝問自己
lí bong sim-kuann mn̄g tsū-kí
你良心在哪裡
lí liông-sim tsāi ná-lí
對你深深的情義
tuì lí tshim-tshim ê tsîng-gī
你將阮來當做是啥物
lí tsiong gún lâi tòng-tsuè sī siánn-mih
一句話來勸你
tsi̍t-kù uē lâi khǹg lí
女性也是有志氣
lú-sìng iā-sī ū tsì-khì
千萬毋通將阮
tshian-bān m̄-thang tsiong gún
當做你的𨑨迌物
tòng-tsuè lí ê tshit-thô-mi̍h
多情露水一滴滴
to-tsîng lōo-tsuí tsi̍t-tih-tih
點甲情花笑微微
tiám kah tsîng-hue tshiò bi-bi
阮用真情來對你
gún iōng tsin-tsîng lâi tuì lí
為何你全然無表示
uī-hô lí tsuân-jiân bô piáu-sī
摸著心肝問自己
bong tio̍h sim-kuann mn̄g tsū-kí
你應該在佗位
lí ing-kai tsāi tó-uī
阮有深深的情義
gún ū tshim-tshim ê tsîng-gī
希望你也有情也有義
hi-bāng lí iā ū-tsîng iā ū-gī
