快樂的粗工人
《快樂的粗工人》Khuài-lo̍k ê Tshoo-kang-lâng
吳宗和Ngôo Tsong-hô
——————————————
阮是一个每日做粗工
gún sī tsi̍t-ê muí-ji̍t tsuè tshoo-kang
雖然較苦
sui-jiân khah khóo
心情嘛輕鬆
sim-tsîng mā khin-sang
日頭落山
ji̍t-thâu lo̍h-suann
相招三五人
sio-tsio sann-gōo lâng
來去茶店仔
lâi-khì tê-tiàm-á
啉予伊醉茫茫
lim hōo i tsuì-bâng-bâng
啊啉予伊醉茫茫
ah lim hōo i tsuì-bâng-bâng
心愛的你走去佗藏
sim-ài–ê lí tsáu-khì toh tshàng
阮來規暝看無你的人
gún lâi kui-mî khuànn-bô lí ê lâng
啊看無你人
ah khuànn-bô lí lâng
阮對你將真情放
gún tuì lí tsiong tsin-tsîng pàng
毋通閣害我
m̄-thang koh hāi guá
心肝亂蔥蔥
sim-kuann luān tshang-tshang
