心愛的你敢知
《心愛的你敢知》Sim-ài–ê Lí Kám Tsai
佚名i̍t-bîng
——————————————
日落黃昏時
ji̍t-lo̍h hông-hun sî
紅紅的彩霞罩四邊
âng-âng ê tshái-hâ tà sì-pinn
引阮想起彼當時
ín gún siūnn-khí hit-tong-sî
手牽手在海邊
tshiú khan-tshiú tsāi hái-pinn
情話講袂離
tsîng-uē kóng buē-lī
如今景緻無變
jû-kim kíng-tì bô piàn
你是佗位去
lí sī tó-uī khì
哎呀!你是佗位去
aih-iah! lí sī tó-uī khì
心愛的你敢知
sim-ài–ê lí kám tsai
我對你猶原真情佮真意
guá tuì lí iu-guân tsin-tsîng kah tsin-ì
心愛的你敢知
sim-ài–ê lí kám tsai
我孤單在海邊
guá koo-tuann tsāi hái-pinn
心酸目屎滴
sim sng ba̍k-sái tih
心愛的你敢知
sim-ài–ê lí kám tsai
我痴情咧等你
guá tshi-tsîng teh tán lí
過日如過年
kuè-ji̍t jû kuè-nî
過日如過年
kuè-ji̍t jû kuè-nî
心愛的你敢知
sim-ài–ê lí kám tsai
