失戀歌
《失戀歌》Sit-luân Kua
百合花樂團Pik-ha̍p-hue Ga̍k-thuân
——————————————
今這馬是按怎樣
tann tsit-má sī-án-tsuánn iūnn
毋知應該按怎想
m̄-tsai ing-kai án-tsuánn siūnn
回憶盡在眼前浮
huê-ik tsīn tsāi gán-tsîng phû
心肝結規毬
sim-kuann kiat-kui-kiû
想來伊的雙手
siūnn–lâi i ê siang-tshiú
想去伊的目睭
siūnn–khì i ê ba̍k-tsiu
有你咧身邊
ū lí teh sin-pinn
早就已經慣勢
tsá tiō í-king kuàn-sì
到這馬才了解
kàu tsit-má tsiah liáu-kái
你所講的道理
lí sóo kóng ê tō-lí
哪會攏無予我時間準備
ná ē lóng bô hōo guá sî-kan tsún-pī
哪會攏無人來共我提醒
ná ē lóng bô-lâng lâi kā guá thê-tshínn
紅紅的目墘
âng-âng ê ba̍k-kînn
照常過日子
tsiàu-siông kè ji̍t-tsí
教我騎自輪車
kà guá khiâ tsū-lián-tshia
牽我唱囡仔歌
khan guá tshiùnn gín-á-kua
送我的彼軀衫
sàng guá ê hit su sann
一直留到今
it-ti̍t lâu kàu-tann
想來伊的雙手
siūnn–lâi i ê siang-tshiú
想去伊的目睭
siūnn–khì i ê ba̍k-tsiu
伊的目睭
i ê ba̍k-tsiu
所有你的一切
sóo-ū lí ê it-tshè
永遠留佇我的心中
íng-uán lâu tī guá ê sim-tiong
化做溫暖的風
huà-tsuè un-luán ê hong
化做堅心的願望
huà-tsuè kian-sim ê guān-bōng
