高麗菜糜
《高麗菜糜》Ko-lê-tshài-muê
王彙筑Ông Luī-tio̍k
洪佩瑜Âng Puē-jû
——————————————
庄跤的花
tsng-kha ê hue
開甲遐爾濟
khui kah hiah-nī tsē
放學的囡仔
pàng-o̍h ê gín-á
佇田岸玲瑯踅
tī tshân-huānn lin-long se̍h
無煩無惱
bô-huân-bô-ló
規工顧𨑨迌
kui-kang kòo tshit-thô
阿媽攏嘛共阮款好勢
a-má lóng-mā kā gún khuán hó-sè
話囥佇心肝底
uē khǹg tī sim-kuann-té
滿腹的感謝
muá-pak ê kám-siā
就免閣加解說
tiō bián koh ke kái-sueh
阿媽坐遮
a-má tsē tsia
我來為你奉茶
guá-lâi uī lí hōng-tê
其實我想欲
kî-si̍t guá siūnn-beh
食你煮的高麗菜糜
tsia̍h lí tsú ê ko-lê-tshài-muê
高麗菜糜的滋味
ko-lê-tshài-muê ê tsu-bī
毋是阿媽共阮放袂記
m̄-sī a-má kā gún pàng-buē-kì
是規家伙坐佇飯桌前
sī kui-ke-hué tsē tī pn̄g-toh tsîng
恬恬仔食飯的風景
tiām-tiām-á tsia̍h-pn̄g ê hong-kíng
高麗菜糜的滋味
ko-lê-tshài-muê ê tsu-bī
阿媽共阮放袂記
a-má kā gún pàng-buē-kì
袂當閣來共阮縛頭鬃
buē-tàng koh lâi kā gún pa̍k thâu-tsang
教阮做好人
kà gún tsuè hó-lâng
暗時就眠夢
àm-sî tiō bîn-bāng
起床一場空
khí-tshn̂g tsi̍t-tiûnn khang
—
嗯~高麗菜糜
ngh~ ko-lê-tshài-muê
高麗菜糜的滋味
ko-lê-tshài-muê ê tsu-bī
毋是阿媽共阮放袂記
m̄-sī a-má kā gún pàng-buē-kì
是規家伙坐佇飯桌前
sī kui-ke-hué tsē tī pn̄g toh tsîng
恬恬仔食飯的風景
tiām-tiām-á tsia̍h-pn̄g ê hong-kíng
高麗菜糜的滋味
ko-lê-tshài-muê ê tsu-bī
阿媽共阮放袂記
a-má kā gún pàng-buē-kì
袂當閣來共阮縛頭鬃
buē-tàng koh lâi kā gún pa̍k thâu-tsang
教阮做好人
kà gún tsò hó-lâng
暗時就眠夢
àm-sî tiō bîn-bāng
起床一場空
khí-tshn̂g tsi̍t-tiûnn khang
高麗菜糜
ko-lê-tshài-muê
阿媽的滋味
a-má ê tsu-bī
敢會當藏予好
kám ē-tàng tshànghōo hó
永遠莫拍毋見
íng-uán mài phàng-kìnn
