英雄魂
《英雄魂》Ing-hiông Hûn
王俊清Ông Tsùn-tshing
——————————————
社會無情
siā-huē bô-tsîng
現實誰會準
hiān-si̍t siáng ē tsún
千年有志愛拍翸
tshian-liân iú tsì ài phah-phún
面對著強軍駿馬
bīn-tuì tio̍h kiông-kun tsùn-bé
咱攏毋免驚
lán lóng m̄-bián kiann
英雄兩字
ing-hiông nn̄g-jī
是我的名
sī guá ê miâ
立誓頂天過關佮斬將
li̍p-sè tíng-thian kuè-kuan kah tsám-tsiòng
結果才知啥人是英雄
kiat-kó tsiah tsai siánn-lâng sī ing-hiông
莫閣來欣羨
mài koh lâi him-siān
出名是別人的命
tshut-miâ sī pa̍t-lâng ê miā
鴟鴞會搢風過風雲
lā-hio̍h ē tsìnn-hong kuè hong-hûn
拚出英雄魂
piànn tshut ing-hiông hûn
阮毋驚風佮雨
gún m̄-kiann hong kah hōo
遐爾殘忍來阻擋
hiah-nī tsân-jím lâi tsóo-tòng
有志氣才有好名聲
ū tsì-khì tsiah ū hó miâ-siann
咱落塗已經八分定
lán lo̍h-thôo í-king pueh-hun tiānn
人生攏無失敗
jîn-sing lóng bô sit-pāi
只有毋願勇敢徛出來
tsí-ū m̄-guān ióng-kám khiā–tshut-lâi
滴水嘛會鑽石
tih tsuí mā ē tsǹg tsio̍h
莫吞忍
mài thun-lún
有堅定的心
ū kian-tīng ê sim
再現英雄魂
tsài hiàn ing-hiông hûn
