若是彼个人是我
《若是彼个人是我》Nā-sī Hit ê Lâng Sī Guá
王茉聿Ông Bua̍t-u̍t
——————————————
心內的話
sim-lāi ê uē
袂當予你知影
buē-tàng hōo lí tsai-iánn
咱的關係
lán ê kuan-hē
袂使有變卦
buē-sái ū piàn-kuà
我毋敢行傷倚
guá m̄-kánn kiânn siunn uá
假仙講看著你就倒彈
ké-sian kóng khuànn-tio̍h lí tiō tò-tuānn
是驚你聽著
sī kiann lí thiann-tio̍h
阮緊張的喘氣聲
gún kín-tiunn ê tshuán-khuì siann
早就慣勢恁甜蜜的背影
tsá tiō kuàn-sì lín tinn-bi̍t ê puē-iánn
伊面頭前
i bīn-thâu-tsîng
袂大漢的查埔囡仔
buē tuā-hàn ê tsa-poo-gín-á
假使我當初勇敢一寡
ká-sú guá tong-tshoo ióng-kám–tsi̍t-kuá
這馬你掛念的人是誰
tsit-má lí kuà-liām ê lâng sī siáng
予你牽牢牢的人
hōo lí khan tiâu-tiâu ê lâng
敢是我
kám-sī guá
若是彼个人是我
nā-sī hit ê lâng sī guá
你敢會戇戇咧咒誓
lí kám ē gōng-gōng teh tsiù-tsuā
講你眼內只有我
kóng lí gán-lāi tsí-ū guá
毋管阮偌壓霸
m̄-kuán gún guā ah-pà
若是彼个人是我
nā-sī hit ê lâng sī guá
你敢會金金共阮看
lí kám ē kim-kim kā gún khuànn
阮的情意免硩心肝
gún ê tsîng-ì bián teh sim-kuann
袂像這馬
buē tshiūnn tsit-má
遮歹收煞
tsiah pháinn siu-suah
