自彼擺拄著你
《自彼擺拄著你》Tsū Hit Pái Tú-tio̍h Lí
王榆鈞Ông Jû-kun
——————————————
自彼擺拄著你
tsū hit pái tú-tio̍h lí
就開始了我的一生
tiō khai-sí liáu guá ê it-sing
是前世註定的命運
sī tsîng-sì tsù-tiānn ê miā-ūn
咱兩人相閃在
lán nn̄g-lâng sio-siám tsāi
滿滿是菜子花的田岸中
muá-muá-sī tshài-tsí-hue ê tshân-huānn tiong
雖然毋知你的芳名
sui-jiân m̄-tsai lí ê hong-bîng
但是永遠留著你的身影
tān-sī íng-uán lâu tio̍h lí ê sin-iánn
在阮的心內
tsāi gún ê sim-lāi
你是寒冬的日頭
lí sī hân-tang ê ji̍t-thâu
你是烏暗中的月光
lí sī oo-àm tiong ê ge̍h-kng
你親像嬌豔的紅花
lí tshan-tshiūnn kiau-iām ê âng-hue
佇風中搖動微笑
tī hong-tiong iô-tāng bî-tshiò
佇風中搖動微笑
tī hong-tiong iô-tāng bî-tshiò
滿面的春光
muá-bīn ê tshun-kng
滿面的春光
muá-bīn ê tshun-kng
有彩雲
ū tshái-hûn
有愛情
ū ài-tsîng
有天星
ū thinn-tshinn
有悲傷
ū pi-siong
有海影
ū hái-íng
有起落
ū khí-lo̍h
自彼擺拄著你
tsū hit pái tú-tio̍h lí
你是我所愛的人
lí sī guá sóo ài ê lâng
你是我袂醒的夢
lí sī guá buē tshínn ê bāng
真想欲閣拄著你
tsin siūnn-beh koh tú-tio̍h lí
拄著你
tú-tio̍h lí
