毋通怨嘆命運䆀
《毋通怨嘆命運䆀》M̄-thang Uàn-thàn Miā-ūn Bái
司馬青青Su-má Tshing-tshing
——————————————
毋通怨嘆命運䆀
m̄-thang uàn-thàn miā-ūn bái
–
啊~啥人會了解
ah~ siánn-lâng ē liáu-kái
爸母恩情深似海
pē-bú un-tsîng tshim sū-hái
爸爸事業來失敗
pá-pah sū-gia̍p lâi sit-pāi
媽媽身體又閣䆀
má-mah sin-thé iū-koh bái
為報答爸母的恩愛
uī pò-tap pē-bú ê un-ài
愛拍拚愛拍拚
ài phah-piànn ài phah-piànn
才應該
tsiah ing-kai
拍拚光明自然來
phah-piànn kong-bîng tsū-jiân lâi
毋通怨嘆命運䆀
m̄-thang uàn-thàn miā-ūn bái
啊~啥人會了解
ah~ siánn-lâng ē liáu-kái
↓↓(口白)—(口白)—(口白)↓↓
啊~啥人會當了解
ah~ siánn-lâng ē-tàng liáu-kái
爸母的恩情深似海
pē-bú ê un-tsîng tshim sū-hái
三年前阮爸爸
sann-nî tsîng gún pá-pah
因為事業來失敗
in-uī sū-gia̍p lâi sit-pāi
家境一時煞來變䆀
ka-kíng tsi̍t-sî suah lâi piàn bái
媽媽又閣來煩惱甲致病
má-mah iū-koh lâi huân-ló kah tì-pīnn
姑不而將
koo-put-jî-tsiong
阮爸仔囝
gún pē-á-kiánn
煞來流浪江湖走天涯
suah lâi liû-lōng kang-ôo tsáu thian-gâi
為著報答
uī-tio̍h pò-tap
爸母的恩愛佮疼愛
pē-bú ê un-ài kah thiànn-ài
阮一定愛拍拚
gún it-tīng ài phah-piànn
來希望爸爸的事業
lâi hi-bāng pá-pah ê sū-gia̍p
重整旗鼓
tiông-tsíng kî-kóo
東山再起
tong-san tsài-khí
予阮早一日重見光明
hōo gún tsá-tsi̍t-ji̍t tiông-kiàn kong-bîng
阮相信有堅定意志的人
gún siong-sìn ū kian-tīng ì-tsì ê lâng
一定會當成功才著啦
it-tīng ē-tàng sîng-kong tsiah tio̍h–lah
哎~毋通怨嘆命運䆀啦
aih~ m̄-thang uàn-thàn miā-ūn bái–lah
↑↑(口白)—(口白)—(口白)↑↑
