枉費我是男性
《枉費我是男性》Óng-huì Guá Sī Lâm-sìng
白龍Pe̍h-lîng
——————————————
燒酒若是會當解憂愁
sio-tsiú nā sī ē-tàng kái iu-tshiû
世間哪有自殺的理由
sè-kan ná-ū tsū-sat ê lí-iû
明知影酒醉誤大事
bîng tsai-iánn tsiú-tsuì gōo tāi-sū
偏偏一日到暗啉燒酒
phian-phian tsi̍t-ji̍t kàu-àm lim sio-tsiú
啊~各位兄弟好朋友
ah~ kok-uī hiann-tī hó pîng-iú
毋是我頇顢袂曉想
m̄-sī guá han-bān buē-hiáu siūnn
總是為著彼个無情小姑娘
tsóng–sī uī-tio̍h hit ê bô-tsîng sió-koo-niû
我才會變甲遮爾毋成樣
guá tsiah ē piàn kah tsiah-nī m̄-tsiânn-iūnn
趁食查某若是真正經
thàn-tsia̍h-tsa-bóo nā sī tsin tsìng-king
哪會欺騙著我的感情
ná ē khi-phiàn tio̍h guá ê kám-tsîng
明知影好色誤前程
bîng tsai-iánn hònn-sik gōo tsiân-tîng
偏偏甘願為愛來犧牲
phian-phian kam-guān uī ài lâi hi-sing
啊~請恁聽我說分明
ah~ tshiánn lín thiann guá sueh hun-bîng
毋是我經驗傷過淺
m̄-sī guá king-giām siunn-kuè tshián
莫非是我花天酒地受報應
bo̍k-hui sī guá ha-thian tsiú-tuē siū pò-ìng
才會來造成今日的不幸
tsiah-ē lâi tsō-sîng kim-ji̍t ê put-hīng
