門
《門》Mn̂g
Funkymo
——————————————
講簡單
kóng kán-tan
我想的傷過簡單
guá siūnn–ê siunn-kuè kán-tan
講設計
kóng siat-kè
我感覺予你設計去
guá kám-kak hōo lí siat-kè–khì
免怨嘆
bián uàn-thàn
敢是我傷過歹款
kám-sī guá siunn-kuè pháinn-khuán
抑是我傷濟的期待
ia̍h-sī guá siunn tsē ê kî-thāi
到這馬猶咧樂觀
kàu tsit-má iáu teh lo̍k-kuan
無冤仇
bô uan-siû
對今開始無冤仇
tuì-tann khai-sí bô uan-siû
誠討債
tsiânn thó-tsè
我嘛無欠你偌濟
guá iā bô khiàm lí guā-tsē
毋敢睏
m̄-kánn khùn
驚我會開始眠夢
kiann guá ē khai-sí bîn-bāng
夢著無可能的代誌
bāng-tio̍h bô-khó-lîng ê tāi-tsì
夢著彼工咱拄開始
bāng-tio̍h hit-kang lán tú khai-sí
你行出去彼塊門
lí kiânn tshut-khì hit tè mn̂g
我永遠攏袂開
guá íng-uán lóng buē khui
講越頭就輸人
kóng ua̍t-thâu tiō su–lâng
後改拄著袂相閃
āu-kái tú-tio̍h buē sio-siám
你講出來的話
lí kóng–tshut-lâi ê uē
我永遠攏會記
guá íng-uán lóng ē-kì
講欲同齊過日子
kóng beh tâng-tsê kuè ji̍t-tsí
結果各人過家己
kiat-kó koh-lâng kuè ka-kī
怪命運
kuài miā-ūn
我全部攏怪命運
guá tsuân-pōo lóng kuài miā-ūn
無緣份
bô iân-hūn
可能我歹人頂世
khó-lîng guá pháinn-lâng tíng-sì
毋甘願
m̄ kam-guān
敢是我無咧認真
kám-sī guá bô teh jīn-tsin
昨日嘛閣無代無誌
tso̍h–ji̍t mā koh bô-tāi-bô-tsì
煞這馬準備欲離開
suah tsit-má tsún-pī beh lī khui
我可以接受
guá khó-í tsiap-siū
咱攏煞煞去
lán lóng suah suah–khì
無問題
bô būn-tê
我顛倒自由自在
guá tian-tò tsū-iû tsū-tsāi
講白賊
kóng-pe̍h-tsha̍t
目屎嘛知我騙人
ba̍k-sái mā tsai guá phiàn–lâng
足想欲對你大細聲
tsiok siūnn-beh tuì lí tuā-sè-siann
結果賰房間空空
kiat-kó tshun pâng-king khang-khang
你行出去彼塊門
lí kiânn tshut-khì hit tè mn̂g
我永遠攏毋關
guá íng-uán lóng m̄ kuinn
講越頭就輸人
kóng ua̍t-thâu tiō su–lâng
後改拄著袂相閃
āu-kái tú-tio̍h buē sio-siám
你講出來的話
lí kóng–tshut-lâi ê uē
我永遠攏會記
guá íng-uán lóng ē-kì
講欲同齊過日子
kóng beh tâng-tsê kuè ji̍t-tsí
結果各人過家己
kiat-kó koh-lâng kuè ka-kī
