浪子心聲淚
《浪子心聲淚》Lōng-tsú Sim-siann Luī
文鴻Bûn-hông
——————————————
浪子心情
lōng-tsú sim-tsîng
可比海上波浪袂平靜
khó-pí hái-siōng pho-lōng buē pîng-tsīng
受盡了苦中苦
siū-tsīn liáu khóo-tiong khóo
猶原無人會當分明
iu-guân bô-lâng ē-tàng hun-bîng
浪子本性
lōng-tsú pún-sìng
並非無愛安定的人生
pīng-hui bô-ài an-tīng ê jîn-sing
一切總是
it-tshè tsóng–sī
現實社會來造成
hiān-si̍t siā-huē lâi tsō-sîng
想前想後
siūnn-tsîng siūnn-āu
再三反省
tsài-sann huán-síng
恨自己誤耽前程
hūn tsū-kí ngōo-tam tsiân-tîng
離開某囝
lī-khui bóo-kiánn
放捒家庭
pàng-sak ka-tîng
四界流浪
sì-kè liû-lōng
到處飄零
tò-tshù phiau-lîng
浪子浪子
lōng-tsú lōng-tsú
雖然表面倔強又好勝
sui-jiân piáu-bīn ku̍t-kiông iū hònn-sing
有時陣啉雄酒
ū-sî-tsūn lim hiông tsiú
燒酒目屎分袂清
sio-tsiú ba̍k-sái hun buē-tshing
