好䆀嘛著行
《好䆀嘛著行》Hó-bái Mā Tio̍h Kiânn
王奇男Ông Kî-lâm
——————————————
出世阮佮人無仝款
tshut-sì gún kah lâng bô kāng-khuán
為何一人一款命
uī-hô tsi̍t-lâng tsi̍t-khuán miā
拖累親人心真疼
thua-luī tshin-lâng sim tsin thiànn
我會認真去拍拚
guá ē jīn-tsin khì phah-piànn
前途坎坷路歹行
tsiân-tôo khám-khia̍t lōo pháinn-kiânn
好䆀嘛著愛認命
hó-bái mā tio̍h-ài jīn-miā
堅強認真學唱歌
kian-kiông jīn-tsin o̍h tshiùnn-kua
希望會當度生活
hi-bāng ē-tàng tōo sing-ua̍h
踮在臺頂來唱歌
tiàm-tsāi tâi-tíng lâi tshiùnn-kua
阮用感情唱心聲
gún iōng kám-tsîng tshiùnn sim-siann
感謝有恁的噗仔聲
kám-siā ū lín ê pho̍k-á-siann
予我信心繼續行
hōo guá sìn-sim kè-sio̍k kiânn
