大山大海
《大山大海》Tuā-suann Tuā-hái
Funkymo
——————————————
無想欲等著天光
bô siūnn-beh tán-tio̍h thinn kng
看著日頭我會驚惶
khuànn-tio̍h ji̍t-thâu guá ē kiann-hiânn
一工閣放水流
tsi̍t-kang koh pàng tsuí lâu
夢中的生活袂等我
bāng-tiong ê sing-ua̍h buē tán guá
外口的花蕊真芳
guā-kháu ê hue-luí tsin phang
但是我袂振袂動
tān-sī guá buē-tín-buē-tāng
幾年以後
kuí-nî í-āu
有啥物心情
ū siánn-mih sim-tsing
會當講予別人聽
ē-tàng kóng hōo pa̍t-lâng thiann
無想欲想著過去
bô siūnn-beh siūnn-tio̍h kuè-khì
無想欲以後後悔
bô siūnn-beh í-āu hiō-hué
用心追求的虛華
iōng-sim tui-kiû ê hi-hua
種咧後埕飼袂活
tsìng teh āu-tiânn tshī buē-ua̍h
看過大山大海
khuànn-kuè tuā-suann tuā-hái
嘛揣無逍遙自在
mā tshuē-bô siau-iâu tsū-tsāi
每一暗枕頭砧砧
muí tsi̍t-àm tsím-thâu tiam-tiam
擋袂牢思思念念
tòng buē-tiâu su-su-liām-liām
毋免證明你講的
m̄-bián tsìng-bîng lí kóng–ê
全部攏著
tsuân-pōo lóng tio̍h
It’s me, not you.
我的心肝本來就烏
guá ê sim-kuann pún-lâi tiō oo
想講少年的時間
siūnn-kóng siàu-liân ê sî-kan
去佗攏嘛好
khì toh lóng-mā hó
著是毋通放你的真心
tio̍h sī m̄-thang pàng lí ê tsin-sim
予無意的人
hōo bô-ì ê lâng
欲按怎予你知影
beh án-tsuánn hōo lí tsai-iánn
足想欲有你做伴
tsiok siūnn-beh ū lí tsuè-phuānn
欲按怎予你知影
beh án-tsuánn hōo lí tsai-iánn
足想欲有你做伴
tsiok siūnn-beh ū lí tsuè-phuānn
無想欲看著你目屎流
bô siūnn-beh khuànn-tio̍h lí ba̍k-sái lâu
毋敢掀著咱故事最後一頁
m̄-kánn hian tio̍h lán kòo-sū tsuè-āu tsi̍t-ia̍h
袂記著你的形影
beh kì-tio̍h lí ê hîng-iánn
閣想起已經霧嗄嗄
koh siūnn-khí í-king bū-sà-sà
你親像春天的雨
lí tshin-tshiūnn tshun-thinn ê hōo
精神了
tsing-sîn liáu
揣你無路
tshuē lí bô-lōo
賰一滴滴著我的目睭
tshun tsi̍t-tih tih-tio̍h guá ê ba̍k-tsiu
來提醒我的憂愁
lâi thê-tshínn guá ê iu-tshiû
毋免證明你講的
m̄-bián tsìng-bîng lí kóng–ê
全部攏著
tsuân-pōo lóng tio̍h
It’s me, not you.
我的心肝本來就烏
guá ê sim-kuann pún-lâi tiō oo
想講少年的時間
siūnn-kóng siàu-liân ê sî-kan
去佗攏嘛好
khì toh lóng-mā hó
著是毋通放你的真心
tio̍h sī m̄-thang pàng lí ê tsin-sim
予無意的人
hōo bô-ì ê lâng
親像我
tshin-tshiūnn guá
