風飛沙
《風飛沙》Hong-pue-sua
夕陽武士樂團Si̍k-iông Bú-sū Ga̍k-thuân
——————————————
啊~風飛沙
ah~ hong-pue-sua
墮落的城市
tuī-lo̍h ê siânn-tshī
聽無關心的聲
thiann-bô kuan-sim ê siann
大路一个人行
tuā-lōo tsi̍t-ê-lâng kiânn
閣一擺失落的心情
koh tsi̍t-pái sit-lo̍h ê sim-tsiânn
五光十色的虛華
ngóo-kng tsa̍p-sik ê hi-hua
看起來無屬於我
khuànn–khí-lâi bô sio̍k-î guá
離開毋是閃避
lī-khui m̄-sī siám-pī
只是會感覺心寒
tsí-sī ē kám-kak sim kuânn
少年時有聽過怨慼的歌
siàu-liân-sî ū thiann-kuè uàn-tsheh ê kua
現在閣聽
hiān-tsāi koh thiann
煞變成陪伴
suah piàn-sîng puê-phuānn
百般無奈的目屎流袂煞
pah-puann bô-nāi ê ba̍k-sái lâu buē-suah
越頭看單純的你我
ua̍t-thâu khuànn tan-sûn ê lí guá
我猶原是你熟似彼个我
guá iu-guân sī lí si̍k-sāi hit ê guá
怨嘆捌講過的話變風飛沙
uàn-thàn bat kóng–kuè ê uē piàn hong-pue-sua
我艱苦你予我安慰
guá kan-khóo lí hōo guá an-uì
予我不再失志
hōo guá put-tsài sit-tsì
是你予我勇氣
sī lí hōo guá ióng-khì
為啥物墮落的是你
uī-siánn-mih tuī-lo̍h–ê sī lí
少年時有聽過怨慼的歌
siàu-liân sî ū thiann-kuè uàn-tsheh ê kua
現在閣聽
hiān-tsāi koh thiann
煞變成陪伴
suah piàn-sîng puê-phuānn
百般無奈的目屎流袂煞
pah-puann bô-nāi ê ba̍k-sái lâu bē-suah
越頭看單純的你我
ua̍t-thâu khuànn tan-sûn ê lí guá
我猶原是你熟似彼个我
guá iu-guân sī lí si̍k-sāi hit ê guá
怨嘆捌講過的話變風飛沙
uàn-thàn bat kóng–kuè ê uē piàn hong-pue-sua
怨嘆捌講過的話
uàn-thàn bat kóng–kuè ê uē
變風飛沙
piàn hong-pue-sua
