花戀蝶
《花戀蝶》Hue Luân Tia̍p
八次郎Pat-tshù-lông
——————————————
每年春天來時
muí-nî tshun-thinn lâi-sî
我總是等待你來臨
guá tsóng-sī tán-thāi lí lâi-lîm
看無你舊年穿的媠服裝
khuànn-bô lí kū-nî tshīng ê suí ho̍k-tsong
是毋是你變別人新郎
sī-m̄-sī lí piàn pa̍t-lâng sin-lông
今年我花蕊為你開
kim-nî guá hue-luí uī lí khui
想欲自己送去予你
siūnn-beh tsū-kí sàng-khì hōo lí
我有跤行袂開
guá ū kha kiânn buē-khui
想欲飛又無翼
siūnn-beh pue iū bô si̍t
只有原地繼續等你
tsí-ū guân-tē kè-sio̍k tán lí
我已將花粉芳味傳予你
guá í tsiong hue-hún phang-bī thuân hōo lí
請你順芳味路歸
tshiánn lí sūn phang-bī lōo kui
春天百花齊開
tshun-thinn pah-hue tsê khui
滿天有千萬蝴蝶飛
muá-thinn ū tshian-bān ôo-tia̍p hui
你已立誓袂移情𤆬別个
lí í li̍p-sè buē î-tsîng tshuā pa̍t-ê
我是誠心相信你的話
guá sī sîng-sim siong-sìn lí ê uē
到現在無看你的影
kàu hiān-tsāi bô khuànn lí ê iánn
我的心叫我去揣你
guá ê sim kiò guá khì tshuē lí
我有跤行袂開
guá ū kha kiânn buē-khui
想欲飛又無翼
siūnn-beh pue iū bô si̍t
只有原地繼續等你
tsí-ū guân-tē kè-sio̍k tán lí
我已將花粉芳味傳予你
guá í tsiong hue-hún phang-bī thuân hōo lí
請你順芳味路歸
tshiánn lí sūn phang-bī lōo kui
