目屎的感慨
《目屎的感慨》Ba̍k-sái ê Kám-khài
八次郎Pat-tshù-lông
謝沛琳Siā Phài-lîm
——————————————
無論月圓抑是半月眉
bô-lūn gue̍h-înn ia̍h-sī puànn-gue̍h-bâi
總有天星
tsóng ū thinn-tshinn
伴著我走天涯
phuānn tio̍h guá tsáu thian-gâi
今夜看著月娘光線
kim-iā khuànn-tio̍h gue̍h-niû kng-suànn
又閣照落來
iū-koh tsiò–lo̍h-lâi
我的心內
guá ê sim-lāi
充滿著溫暖佮光彩
tshiong-buán tio̍h un-luán kah kong-tshái
無疑月娘身邊
bô-gî gue̍h-niû sin-pinn
烏雲罩霧又出來
oo-hûn tà-bū iū tshut-lâi
我的心內
guá ê sim-lāi
煞來變成另外一个世界
suah lâi piàn-sîng līng-guā tsi̍t-ê sè-kài
我的心事無人知
guá ê sim-sū bô-lâng tsai
借著流目屎訴悲哀
tsioh-tio̍h lâu ba̍k-sái sòo pi-ai
悲哀表達目屎的感慨
pi-ai piáu-ta̍t ba̍k-sái ê kám-khài
