海風聲
《海風聲》Hái-hong Siann
八次郎Pat-tshù-lông
——————————————
一个人漫步行
tsi̍t-ê-lâng bān-pōo kiânn
遠遠有看你的影
hn̄g-hn̄g ū khuànn lí ê iánn
行較近
kiânn khah kīn
看無你的影跡
khuànn-bô lí ê iánn-tsiah
予我一時心袂定
hōo guá tsi̍t-sî sim buē-tiānn
只有聽著微微海風聲
tsí-ū thiann-tio̍h bî-bî hái-hong siann
雄雄聽著海鳥哭心疼
hiông-hiông thiann-tio̍h hái-tsiáu khàu sim thiànn
心愛的
sim-ài–ê
毋知你敢有咧聽
m̄-tsai lí kám ū teh thiann
等待你來陪我行
tán-thāi lí lâi puê guá kiânn
陪我聽海風聲
puê guá thiann hái-hong siann
