凝心的酒
《凝心的酒》Gîng-sim ê Tsiú
八次郎Pat-tshù-lông
謝沛琳Siā Phài-lîm
——————————————
今夜的酒遮厚
kim-iā ê tsiú tsiah kāu
歹落喉
pháinn lo̍h-âu
心凝毋知燒酒厚
sim gîng m̄-tsai sio-tsiú kāu
盡量啉予伊
tsīn-liōng lim hōo i
楞楞醉過頭
gông-gông tsuì kuè-thâu
不如意放水流
put-jû-ì pàng tsuí lâu
伊叫我為著幸福愛奮鬥
i kiò guá uī-tio̍h hīng-hok ài hùn-tàu
講啥物相愛欲到老
kóng siánn-mih siong-ài bueh kàu lāu
害我痴情空等候
hāi guá tshi-tsîng khang tán-hāu
無疑你一去無回頭
bô-gî lí tsi̍t-khì bô huê-thâu
真情付出一切變水泡
tsin-tsîng hù-tshut it-tshè piàn tsuí-phau
害我每日目屎流
hāi guá muí-ji̍t ba̍k-sái lâu
