舞臺頂的人生
《舞臺頂的人生》Bú-tâi Tíng ê Jîn-sing
八次郎Pat-tshù-lông
——————————————
輕輕鬆鬆音樂聲
khin-khin-sang-sang im-ga̍k-siann
帶動著沉重跤步向前行
tài-tōng tio̍h tîm-tāng kha-pōo hiòng-tsîng kiânn
這毋是阮的虛榮心
tse m̄-sī gún ê hi-îng-sim
阮只是欲唱出好前程
gún tsí-sī bueh tshiùnn-tshut hó tsiân-tîng
誰知影偏偏遮不幸
siáng tsai-iánn phian-phian tsiah put-hīng
有啥人有啥人
ū siánn-lâng ū siánn-lâng
有啥人來同情軟弱的女性
ū siánn-lâng lâi tông-tsîng luán-jio̍k ê lú-sìng
啊~請恁著來幫忙
ah~ tshiánn lín tio̍h lâi pang-bâng
予阮過著平靜人生
hōo gún kuè tio̍h pîng-tsīng jîn-sing
