時速五百里
《時速五百里》Sî-sok Gōo-pah Lí
八次郎Pat-tshù-lông
——————————————
心坐著時速五百里飛車
sim tsē tio̍h-sî sok gōo-pah lí hui-tshia
一路隨風欲去外地
tsi̍t-lōo suî hong bueh khì guā-tē
阮的意志
gún ê ì-tsì
是拚出自己的天
sī piànn tshut tsū-kí ê thinn
我的心跳速度
guá ê sim-thiàu sok-tōo
佮火車一致
kah hué-tshia it-tì
車窗外優美景色
tshia-thang guā iu-bí kíng-sik
一直鼓勵我
it-ti̍t kóo-lē guá
交代我在外地
kau-tài guá tsāi guā-tē
毋通放蕩
m̄-thang hòng-tōng
著愛成功回鄉
tio̍h-ài sîng-kong huê-hiong
自己徛旗
tsū-kí khiā-kî
我的決心就是出外
guá ê kuat-sim tiō-sī tshut-guā
趕緊去都市
kuánn-kín khì too-tshī
無論環境苦抑甜
bô-lūn huân-kíng khóo ia̍h tinn
絕對袂辜負我的夢圓
tsua̍t-tuì buē koo-hū guá ê bāng-înn
