命運
《命運》Miā-ūn
陳小雲Tân Sió-hûn
——————————————
運命愛共人創治
ūn-miā ài kā lâng tshòng-tī
吟出斷腸詩
gîm tshut tuān-tshiông-si
句句啊句句攏是傷悲
kù-kù–ah kù-kù lóng-sī siong-pi
真心為你無安慰
tsin-sim uī lí bô an-uì
情絲割袂離
tsîng-si kuah buē-lī
規暝吐大氣
kui-mî thóo-tuā-khuì
啊~真情如水
ah~ tsin-tsîng jû tsuí
攏總流向大海去
lóng-tsóng lâu hiòng tuā-hái khì
運命對人無講理
ūn-miā tuì lâng bô kóng-lí
好歹隨在伊
hó-pháinn suî-tsāi i
怨嘆啊怨嘆也是枉費
uàn-thàn–ah uàn-thàn iā-sī óng-huì
心肝著愛放予開
sim-kuann tio̍h-ài pàng hōo khui
拍拚過日子
phah-piànn kuè ji̍t-tsí
期待好時機
kî-thāi hó sî-ki
啊~年年四季
ah~ nî-nî sù-kuì
攏也會遇著春天
lóng iā ē gū-tio̍h tshun-thinn
運命愛共人創治
ūn-miā ài kā lâng tshòng-tī
歡喜過一日
huann-hí kuè tsi̍t-ji̍t
鬱卒啊鬱卒也是一日
ut-tsut–ah ut-tsut iā-sī tsi̍t-ji̍t
萬事萬項來閣去
bān-sū bān-hāng lâi koh khì
人生按呢生
jîn-sing án-ní-sinn
哪有啥稀奇
ná-ū siánn hi-kî
啊~回頭看去
ah~ huê-thâu khuànn–khì
無風無搖無代誌
bô hong bô iô bô tāi-tsì
