可憐時鐘行規暝
《可憐時鐘行規暝》Khó-liân Sî-tsing Kiânn Kui-mî
八次郎Pat-tshù-lông
——————————————
可憐的時鐘
khó-liân ê sî-tsing
行規暝攏無停
kiânn kui-mê lóng bô-thîng
親像我一生咧捙跋反
tshin-tshiūnn guá it-sing teh tshia-pua̍h-píng
你行無停
lí kiânn bô-thîng
我反無停
guá píng bô-thîng
攏無幾時來清閒
lóng bô kí-sî lâi tshing-îng
你有你的責任
lí ū lí ê tsik-jīm
我是著愛顧家庭
guá sī tio̍h-ài kòo ka-tîng
才著來暝日捙跋反
tsiah tio̍h lâi mê-ji̍t tshia-pua̍h-píng
世間的代誌
sè-kan ê tāi-tsì
實在無公平
si̍t-tsāi bô kong-pîng
有人過著真清閒
ū-lâng kuè-tio̍h tsin tshing-îng
是毋是你佮我
sī-m̄-sī lí kah guá
天生著遮薄命
thian-sing tio̍h tsiah po̍k-bīng
一生拚無停
it-sing piànn bô-thîng
